MITUGPA sa Southern Philippines Medical Center (SPMC) ang usa ka lalaki human gidunggab sa igsuon sa iyang kapuyo Dominggo sa gabii, Hunyo 2, 2019, sa Talomo River, Calinan District, Dakbayan sa Davao.
Giila ang biktima nga usa ka Ryan San Juan Bataluna, 45-anyos, residente sa maong dapit, samtang ang suspek mao si Junard Gonzaga Racho, hamtong ang pangedaron, residente sa Barangay Maligatong, Baguio District ning siyudad.
Nasayran nga naga-inom ang biktima uban sa mga amigo niini, dayon miabot kining suspek ug giimbita sa biktima nga mag-inom.
Dihang nag-inom na sila kalit naglalis ang biktima ug ang suspek nga maoy hinungdan nga miinit ang ilang away ug kalit nanunggab ang suspek.
Wala mabutyag unsay ugat-hinungdan sa ilang lalis.
Igo sa tiyan ug ulo ang biktima kinsa dali nga gidala sa SPMC samtang ang suspek dali sab nga misibat.