ASUNCION, Davao del Norte -- Makuting imbestigasyon ang gilusad sa Asuncion Municipal Police Station labot sa pagpusil-patay sa usa ka magtutudlo Martes sa buntag, Nobiyembre 14, sa Purok 4, Barangay Cambanogoy.
Ang biktima mao si Joan Laruya Bacod, 42-anyos, magtutudlo sa Katipunan Elementary School sa Barangay Doña Andrea, Asuncion.
Nasayran nga samtang naghulat ang biktima sa iyang kauban nga magtutudlo, kalit kining giduol sa wa mailhing mamumuno dayon pusila.
Dead on the spot ang magtutudlo samtang ang kapulisan padayong mihimo og imbestigasyon aron masikop ang responsable sa kremin. (Jeepy P. Compio)