Balut sa Gensan nihit ang suplay; vendors mipiyait na

Balut sa Gensan nihit ang suplay; vendors mipiyait na
(Hulagway gikan ni Barangay Kapitan Dennis Besa)

MGA balut vendors sa General Santos City usa sa mga naapektuhan sa grabeng kainit sa panahon dala sa El Nino phenomenon.

Sigun ni Barangay Kapitan Dennis Besa sa Barangay Baluan nga pipila na ka mga balut vendors ang miundang na sa pagpamaligya sa "Balutan sa Baluan."

Dugang ni Victor Vergado, presidente sa Baluan Duckers Association, nga mahal kayo ang presyo sa ballot tungod sa nihit nga suplay niini.

Tungod sa grabe kainit namatikdan nga mga itik limitado ang itlog sa rason nga way maayong lugar asa sila makapangitlog.

Sa kasamtangan ang balut ginabaligya sa P25 matag usa, itandi sa kanhi presyo niini nga P18 lang.

Gilauman nga mas mosaka pa ang presyo sa balut hangtud sa buwan sa Septiyembre.

Laing raket na lamang ang gilantaw sa ubang balut vendors aron makasugakod gihapon sa inadlaw nga panginabuhian. (EEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph