Balyena nasiplatan na sab human 8 ka tuig

Balyena nasiplatan na sab human 8 ka tuig
DENR-Soccsksargen

NAKASIPLAT na sab ang mga sakop sa Protected Area Management Office (Pamo) sa Sarangani Bay Protected Seascape (SBPS) og spinner dolphins ug sperm whale samtang nagbutang og mga boya sa higpit nga protection zone sa maong dapit.

Matud ni SBPS Protected Area Superintendent Cirilo Lagnason Jr., 10 ka dolphins ug lima ka dwarf sperm whale ang nakit-an duol sa baybayon sa Malapatan sa maong probinsiya.

Gitataw ni Lagnason nga usa kini ka pahinumdom sa kamahinungdanon sa pagpalig-on sa mga programa sa pagpanalipod sa Sarangani Bay pinaagi sa pagdili sa single-use plastics ug pagbutang og boya.

Dugang ni Lagnason nga ang balyena katapusang nakit-an sa Sarangani Bay niadtong 2016 pa.

Ang pagkadiskobre niini karong bag-o, sumala pa, ni Lagnason usa ka pruweba nga daghan pa ang mga mammal species nga nagpuyo sa Sarangani Bay nga kinahanglan nga mapreserbar.

Nanghinaut si Sarangani Provincial Environment and Natural Resources Officer Shalimar Disomangcop nga molungtad ang mga boya nga ilang gibutang nga importante alang sa pagpanalipod sa mga marine resources sa Sarangani Bay. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph