Bana nga bag-o'g brief giselosan

Bana nga bag-o'g brief giselosan
Jeepy P. Compio

GISELOSAN sa usa ka asawa ang iyang bana nga dunay ka-chat nga usa ka domestic helper (DH) sa Singapore.

Nagpa-blotter ang asawa sa San Pedro Police Station niadtong Lunes, Hunyo 10, 2024, human nga iyang nasakpan ang bana nga dunay ka- chat nga usa ka DH.

Ang nasampit nga DH nasayran nga ila ra sab nga silingan sa Barangay 76-A, Bucana, Davao City.

Nagpa-blotter ang misis nga si Elvera human nga nagselos siya ug niya pa dunay tago nga relasyon ang iyang bana ug si Maribel nga tua sa Singapore.

Gawas sa blotter, dugang impormasyon nga gipaabot ngadto sa Superbalita Davao pinaagi sa kasaligan nga impormante nga silingan ra sab sa reklamante.

Dugang pa nga daan nang natahap ang asawa gumikan kay niadtong Marso 6, 2024 niuli si Maribel sa Saint John, ug dunay bag-ong brief ang bana ni Elvera.

Sumala sa bana ni Elvera nga pinalit kuno niini ang brief, apan ang maong brief nasayran nga iya sa DH pinaagi sa conversation sa duruha sa Messenger.

Pipila ka adlaw, niangkon kuno ang bana nga hinatag kaniya ni Maribel ang brief, nga maoy pasalubong gumikan higala silang duha ug classmate pa sila sa elementarya sa Magallanes Elementary School.

Hinuon, gamay ra nga butang suma pa ni Maribel apan dako na kini kaayo nga butang sa ilang relasyon sa bana ni Elvera.

Gimandoan si Elvera sa kapulisan sa San Pedro PNP nga puwedeng ipatawag si Maribel sa barangay ugaling mouli kini sa Davao. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph