GIAWHAG ni Bangsamoro Autonomous Region in Muslim Mindanao (Barmm) Chief Minister Abdulraof Macacua ang mga opisyales sa rehiyon nga moluwat sa ilang katungdanan.
Tuyo ni Macacua nga ang iyang mga sakop sa gabinete mo-resign sa maayong kabubut-on.
Kabahin sa mando ni Macacua ang pagsumite sa courtesy resignation sa tanang ministro, deputy ministers, heads of offices, ug mga ahensiya sa Barmm Government.
Kini giingong nunot sa mga seryuso nga reklamo nga niabot kaniya ug aron mapalambo pa ang ka-epektibo sa paghatag og serbisyo sa Barmm.
Maghulat si Macacua hangtud sa katapusan sa Hunyo alang sa nahisgutang mga opisyales aron nga makasumite sa ilang courtesy resignation.
Nagsugod ang pagkaitok ni Macacua sa nigawas nga anomalya sa ubang departamento sa pagwaldas sa panudlanan sa kagamhanan.
Gipasalig ni Macacua nga wala siyay paboran kung sila sad-an sa gilusad nga imbestigasyon sa ilang buhatan. (Edgar E. Fuerzas)