Basura sa coastal areas gihatagan og pagtagad

Basura sa coastal areas gihatagan og pagtagad
(Hulagway kuha ni Arjoy Ceniza)

NAGKADAIYANG departamento sa lokal nga panggamhanan sa Dakbayan sa Davao ang nagtigum ug nakig-dayalogo sa mga komunidad sa kabaybayonan niadtong Abril 2024 aron tukion ang mga interbensiyon taliwala sa mga taho sa paglabay sa basura sa bisan asang dapit.

Si Paul Bermejo, ang pangulo sa Ancillary Services Unit (ASU), atol sa I-Speak media forum niadtong Huwebes, Mayo 2, niingon nga natawag ang pagtagad sa mga buhatan sa lokal nga kagamhanan human sa report sa open dumping duol sa coastal road.

Matud niya nga ang pagpalig-on sa kampanya batok sa open defecation, pagbutang og Closed Circuit Television (CCTV) sa coastal road, pag-isyu og citation ticket sa City Environment and Natural Resources Office (Cenro) alang sa mga masakpan nga naglabay sa ilang mga basura sa lugar, revitalization sa hydroponics ug aquaponics.

Ang containerized gardening usa sa mga pasalig sa mga buhatan sa dakbayan aron masulbad ang mga kabalaka sa pagdumala sa basura sa baybayon.

Matud ni Bermejo nga kung dili makabayad ang mga residente sa citation ticket, posibleng mag-atubang sila og kaso sa korte.

Mipasalig sab nga mohimo og house-to-house campaign ang Cenro diin midugang nga ang grupo magtigum matag bulan aron sa pagtimbang-timbang sa mga programa ug proyekto nga gipatuman sa komunidad sa kabaybayonan.

Dugang pa niya nga sa wala pa kini nga lakang, ang kagamhanan sa dakbayan, pinaagi sa Executive Order 41 series of 2017, nagtakda sa tanang Sabado sa buntag sa matag bulan isip panahon sa pagpanglimpyo sa kabaybayonan ug suba sa mga barangay ug tungod niini, gimugna ang Bantay Dagat Protection and Conservation program nga gilakip sa ang ASU sa buhatan sa mayor.

Matud ni Bermejo nga aktibo na ang mga boluntaryo sa Bantay Dagat sukad sa pagkamugna niini ug gani, mokabat sa 2,600 ka sako sa basura ang ilang makolekta matag buwan. (JPC, PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph