PANABO CITY, Davao del Norte -- Kapin 9,500 ka Agrarian Reform Beneficiaries (ARBs) sa tibuok Davao Region nahimong mga tag-iya og yuta nga nalibre sa "mortgages," atol sa pinakaulahing hugna sa pagpang-apud-apod og mga titulo sa yuta ug Certificates of Condonation with Release of Mortgage (CoCRoMs).
Gipahigayon niadtong Hulyo 24, 2025 sa Panabo City Multipurpose, Cultural and Sports Center, Panabo City, Davao del Norte, ang seremonyal sa distribusyon sa mga titulo sa yuta ug CoCROMS nilangkob og kapin 16,210 ka ektarya uban ang kinatibuk-ang pagkonsentir (condoned) sa utang nga nikantidad og kapin P716 milyones.
Gipasiugda pinaagi sa Department of Agrarian Reform (DAR), ang kalihukan nahimong kabahin sa "national thrust to advance agrarian justice" pinaagi sa duha ka nag-unang inisyatibo nga gitawag og Project Support to Parcelization of Lands for Individual Titling (SPLIT), ug Republic Act No. 11953 o ang New Agrarian Emancipation Act, nga nagtugot og "full condonation" sa agraryong utang ug "mortgage encumbrances on awarded lands."
Kini nahisubay sa komitment sa gobyerno alang sa "equitable land reform and inclusive rural development" ubos sa nasudnong administrasyon ni President Ferdinand Marcos Jr base sa gipasabot ni DAR Secretary Conrado M. Estrella.
Sa iyang mensahe, gikanayon ni Estrella nga tinguha sa Presidente nga ipadayon ang pag-alagad sa Mindanao, ilabi na ang ARBs, pinaagi sa pag-ingon nga ang administrasyon buot nga motanum og mga maayo, ug naghatag sa mga yuta ngadto sa walay mga luna ug pinaagi sa paglingkawas kanila gikan sa mga utang sa yuta nga ilang giugmad.
Nitambong sa kalihukan mao sila Special Assistant to the President Antonio Lagdameo, Mindanao Development Authority (MinDA) Secretary Leo Tereso Magno, Davao del Norte Provincial Governor Edwin I. Jubahib, Davao Oriental Provincial Governor Nelson Dayanghirang, provincial vice governors, municipal ug city mayors gikan sa nagkadaiyang local government units sa Davao Region.
Samtang giawhag ni Governor Jubahib ang ARBs nga ipabilin ang mga yuta nga gihatag kanila sa gobyerno ug "not to ever think of selling them” kay gipanglantawan nga ang maong mga yuta mahimo nga ilang ikapasa ngadto sa mga miyembro sa ilang pamilya.
“Ayaw ninyo ibaligya ang maong mga yuta. Kanang yuta maoy mahimo ninyo kabilin sa inyong pamilya. Busa mahala ninyo ang maong yuta; ampingan ninyo ang maong yuta kay mao na ang magdala og kabag-uhan sa inyong kinabuhi,” awhag sa gobernador. (PR)