CARMEN, Davao del Norte — Nasikop ang usa ka giilang big time drug pusher sa ilegal nga druga atol sa usa ka buy-bust nga gipahigayon sa Philippine Drug Enforcement Agency (PDEA) sa Davao del Norte Provincial Office, kauban ang 2nd Davao del Norte Provincial Mobile Force Company ug Carmen Municipal Police Station, alas 1:21 sa hapon, Agosto 8, 2025, sa Purok 10, Barangay Ising, ning lungsod.
Ang suspek giila sa alyas nga Boloy, 46-anyos, ulitawo diin nadakpan human kini nakigtransaksyon sa usa ka undercover agent nga buyer, ug mibaligya og usa ka medium heat-sealed nga transparent plastic sachet nga adunay sulod nga gituohang shabu.
Gikumpiska usab sa operasyon ang 16 ka pakite nga adunay sulod nga gituohang shabu nga mokabat og gibug-aton nga 527 gramos nga dunay gibana-banang kantidad nga hapit tunga sa milyon uban ang drug paraphernalia ug ang marked money nga gigamit sa buy-bust.
Apil sa nakuha gikan sa suspek ang motorsiklo nga gigamit sa kalihokan sa ilegal nga druga.
Gipreparar na karon ang mga kasong paglapas sa Sections 5, 11, ug 12, Article II sa Republic Act 9165, o ang Comprehensive Dangerous Drugs Act of 2002, batok sa dinakpan.
Ang kapulisan ug PDEA padayon sa ilang kampanya batok sa ilegal nga druga aron maprotektahan ang katawhan sa probinsiya. (Jeepy P. Compio)