Bilyar natugaw sa pagpamusil; 1 patay

Tagum City.
Tagum City. (Google Maps)

USA patay samtang laing usa samdan sa pagpamusil nga nahitabo sa Purok 28-A, Kawayanan, Barangay Madaum, Tagum City alas 3:03 sa kaadlawon, Abril 28, 2024.

Napatay mao si Jorrin Relator, 28, ulitawo, construction worker, samtang samdan si Nick Andre Trumata Basa, 23, ulitawo, parehong nagpuyo sa dapit.

Suma ni Basa sa kapulisan nga nalingaw siya og lantaw sa bilyar sa usa ka tindahan sa ilang lugar mga alas tres na sa kadlawon.

Samtang nabusy og atang sa duwa, usa ka lalaki ang kalit nga miabot, dayon pusil kang Relator sa makadaghang higayon.

Mga tawong nagsud-ong sa bilyar ang nagkatibulaag sa pagpanagan tungod sa kabalaka mapagan.

Si Relator nga bisan og nakahiagum sa daghang pinusilan nakadagan pa padung sa likod nga bahin sa tindahan, samtang si Basa ang nagtakiang human maigo sa likod nga bahin ang tuo niyang paa.

Mga biktima gidali og dala sa Davao Regional Medical Center apan si Relator wa na kasugakod,samtang si Basa luwas na apan ipailawom pa kini sa operasyon.

Narekober gikan sa crime scene ang lima ka mga baseyo sa gituohang caliber . 45 nga armas.

Kapulisan padayon nga nagtugkad sa motibo ug nagpaluyo sa krimen. (Dexter T. Visitacion)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph