Brake nikagar, 5 namatay

Brake nikagar, 5 namatay
MDRRC-Talaingod

TUNGOD sa brake nga wa na mopaak, nahaybol ang usa ka trak diin sakay ang kapin 20 ka magkabanay nga padung unta maglipay-lipay og kaligo sa dagat, Hunyo 23, 2024.

Nahimong duguon ng family bonding sa usa ka pamilya dihang naaksidente ang trak nga gisakyan, may plakang YGM751, sa Purok 11 Lower Misolong, Barangay Sto. Niño, Talaingod, Davao del Norte, mga alas 9:30 sa buntag.

Giingong ang trak naglulan og di moubos sa 25 ka tawo, gilangkuban sa mga hamtong, ug kabataan padung sa Pindasan, Mabini, Davao de Oro beach aron mangaligo.

Apan dihang miabot na sila sa kurbada ug subidahon nga dalan sa Talaingod, nikagar ang brake sa trak nga miresulta nga nawad-an na og kontrol ang drayber sa gimaneho niining trak ug nahaybol sila padung sa gamay'ng sapa, daplin sa kalsada.

Sa report, lima ang gideklarang dead on arrival sa mga doktor, diin tulo kanila menor.

Sa report sa Municipal Disaster Risk Reducation and Management Center (MDRRMC-Talaingod), 21 ang sakay sa trak, diin 5 ang patay, siyam nakasinati sa minor injuries ug 7 ang nagrabehan. (Rhona G. Villariasa)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph