Bus trips gipasalig mobaha's bakasyon

Bus trips gipasalig mobaha's bakasyon
File photo

GIPASALIG karon sa Davao City Overland Transport Terminal (DCOTT) nga duna gayu'y daghang trip sa mga bus nga padulong sa mga probinsiya sanglit ang mga estudyante manguli na sa ilang tagsa- tagsa ka mga dapit nga mi-eskuwela sa Davao City.

Sa mga naunang pakighinabi kang DCOTT manager Aisa Usop, gibutyag niini nga matag adlaw dunay 1,000 ngadto sa 1,500 ka mga bus trips busa maserbisyohan gayud ang daghang ihap sa pasahero.

Samtang pahimangno karon sa Davao City Police Office ngadto sa mga nagdumala og mga dormitory ug mga boarding houses sa dakbayan nga pasidan-an ang ilang mga boarders nga mga estudyante nga seguraduhon nga nasirad-an gayod ang ilang mga yunit.

Kini ang pahimangno sa kapulisan aron malikayan ang mga kaso sa lungkab, diin dugang pa sa awtoridad nga seguraduhon nga functional ang mga gimuntar nga mga closed circuit television (CCTV) cameras.

Ang bakasyon sa mga tunghaan molungtad og sobra usa ka buwan gikan karong adlawa, Mayo 6. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph