'Class suspension' sa Gensan gilugwayan

'Class suspension' sa Gensan gilugwayan

GILUGWAYAN pa ni City Mayor Lorelie Pacquiao ang class suspension sa mga tulunghaan sa tanang lebel sa General Santos City.

Kini pinaagi sa Executive Order (EO) 83 alang sa tananag pampubliko ug pribado nga eskuwelahan hangtud Biyernes, Nobyembre 24, 2023.

Kahinumdoman nga una nang gisuspende ni Mayor Pacquiao ang klase sa tanan nga tulunghaan niadtong Nobyembre 18-21 sa diha nga miigo ang magnitude 6.8 nga linog.

Kini nunot sa ebalwasyon sa Department of Education sa Gensan nga girekomenda sa buhatan sa mayor nga lugwayan ang suspensiyon sa klase.

Dunay naguba ug nangliki nga tulunghaan nga wala pa mahuman sa pag-ayo ug peligro kini alang sa mga magtutungha.

Nalatid sab sa EO 83 nga magdepende sa mga principal kung magpatuman ba sila sa distance learning system ug online classes, alang sa ilang mga estudyante.

Gipaboran sab sa mga ginikanan ang EO nga gipagawas ni Mayor Pacquiao sa paglugway sa class suspension sa dakbayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph