Cotabato City gibahaan

Cotabato City gibahaan
Hulagway gikan ni Fiscal Daraba

ANG Bangsamoro Autonomous Region in Muslim Mindanao (Barmm)-Gilunopan ang pipila ka mga ubos nga lugar sa Siyudad sa Cotabato sa nasinatiang kusog nga pag-ulan alas 7:00 sa gabii, Mayo 12, 2024.

Matud ni Cotabato City Mayor Bruce Matabalao nga alas 4:45 pa lang sa hapon sa maong adlaw nibundak na ang makusog nga ulan sa dakbayan.

Pag-abot sa kagabhion, gibaha na ang mga kalsada ilabi na sa mga low lying areas.

Gani ang mga sakyanan naglisud na sa pag-agi sa main road tungod sa paglunop sa tubig.

Gimandoan dayon ni Matabalao ang City Disaster Risk Reduction and Management Office (CDRRMO) sa pagsusi sa mga barangay nga anaa kilid sa Rio Grande de Mindanao nga giigo sa baha.

Giplastar sab sa lokal nga panggamhanan sa siyudad ang hinabang sa mga pamilya nga naapektuhan.

Daghan ang nagtuo nga ang hinungdan sa baha mao ang paghuot sa mga basura sa mga kanal.

Ang pag-ulan giingong tungod sa nasinatiang Easterlies sa nasud nga maoy nakapakulismaot sa dagan sa panahon. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph