Cotabato guv, mag-uuma mapasalamaton kang Marcos sa proyektong irigasyon

Cotabato guv, mag-uuma mapasalamaton kang Marcos sa proyektong irigasyon
(Hulagway gikan sa IDCD-PGO-NCOT)

KIDAPAWAN CITY -- Personal nga gipasalamatan ni Cotabato Governor Emmylou “Lala” Taliño-Mendoza si Presidente Ferdinand “Bongbong” Marcos, Jr. atol sa pagbisita niini alang sa inagurasyon sa P5.1 billion Malitubog-Maridagao Irrigation Project (MMIP) Phase II nga gipahigayon sa project site sa Barangay Bagoinged, Pikit Cotabato.

Ang gobernadora nipadayag sa iyang kalipay sa paghuman sa maong proyekto.

Matod niya, bisan pa sa mga hagit nga giatubang sa pagkompleto niini tungod sa kagubot ug uban pang mga kahimtang, nalipay siya tungod kay nakita na niya ang kalambuan, seguridad ug kauswagan nga dala sa proyekto sa MalMar.

Gidayeg usab niini ang paningkamot sa nagkalain-laing ahensiya ug stakeholders aron matuman ang MMIP II nga dugay nang gipangandoy sa katawhan gikan sa lungsod sa Aleosan ug Pikit ug mga silingang dapit gikan sa Bangsamoro Autonomous Region in Muslim Mindanao (BARMM).

Sigun ni Mendoza nga siya nagpasalamat sa presidente sa mga grasya ug tabang nga iyang gihatag sa mga Cotabateño.

Samtang dili matago sa irrigators association (IA) nga mga benepisyaryo sa Malitubog-Maridagao (MalMar) Irrigation Project Phase II ang ilang katagbawan human sa pormal nga inagurasyon mismo sa pangulo, diin ang proyekto nagbalaor og P5.1B nga gipundohan sa national government.

Matod ni Hayder Manibpal, Presidente sa Talitay Inug-ug Irrigators Association, dili sayon ang mga pagsulay sa ang mga ahensiya sa gobyerno, indibidwal ug sektor nga mitabang aron matuman ang proyekto.

Kung kaniadto nahadlok ang mga tawo sa lugar tungod sa kagubot, karon nakakita na sila og paglaom ug kauswagan ilabi na sa mga mag-uuma nga mabulahan sa maong programa. (EEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph