GIKATAHONG nakapahimulos og dako ang Eastern Mindanao Command (EastMinCom) sa ilang gihingusgan nga paningkamot sa counter-insurgency, kon diin dul-an sa 600 ka miyembro sa New People’s Army (NPA), mahimong namatay, nadakpan o kaha nisurender, sukad sa pagsugod niadtong 2025.
Sa bag-ohay pa lang nga Davao Peace and Security press briefing nga nahitabo sa The Royal Mandaya Hotel, Hunyo 25, gikanayon ni EastMinCom spokesperson Lieutenant Colonel Salvacion Evangelista nga ang Davao Region nagpabiling opisyal nga nadeklara isip insurgency-free. Giklaro niini nga ang kasamtangang mga operasyon sa militar nga karon gitutok sa mga lugar nga gawas sa rehiyon, ilabi na sa mga bahin sa Northern Mindanao ug sa Caraga Region.
Gikan Enero 1 hangtud sa kasamtangan, nakatala ang EastMinCom og kinatibuk-ang 542 ka miyembro sa NPA nga mahimong nadakpan o napatay atol sa panag-engkuwentro, o kaha boluntaryo nga nisurender. Gawas niini, ang mga tropa sa gobyerno nakarekober o nakadawat sa mga gisurender nga 254 ka mga armas sa maong panahon.
Gipahimug-atan ni Evangelista ang papel sa mga programa nga suporta sa lokal nga panggamhanan nga nakasustiner sa kampanya batok sa insurhensiya. Matud niya nga sukad 2016 hangtud Disyembre 2024, mga 3,934 ka kanhi rebelde nakabenepisyo gikan sa Enhanced Comprehensive Local Integration Program (E-Clip), usa ka government reintegration initiative nga gitumong sa pagtabang sa kanhi mga rebelde nga mamugna og balik ang ilang mga kinabuhi.
Usa sa bag-ong kalampusan sa kampanya sa EastMinCom mao ang pagkasikop sa usa ka grupo nga gibansagan og “Agusan 8,” nga dugay nang gipangita sulod sa pipila ka tuig. Gihulagway kini ni Evangelista nga maayong hitabo, ilabi na nga ang pag-aresto nakahimo sa mga indibiduwal nga nakasumpay og balik uban ang mga pamilya kinsa hagbay nang nangita kanila dul-an usa ka dekada.
Gitaho sab sa EastMinCom nga siyam lang ka NPA "vertical" units nga gipasiugdahan sa armadong mga grupo nga naglihok sa guerrilla formations nagpabiling aktibo sulod sa ilang hurisdiksiyon. Apan sa bag-ohay nga pag-aresto sa walo ka mga indibiduwal sulod sa lugar sa 10th Infantry Division (10ID), ang maong ihap gilauman nga mokubos ngadto sa walo. Kining nahabilin nga yunit karon nahulog sa ilawom sa operational responsibility sa 4th Infantry Division (4ID).
Giila ni Evangelista ang kasamtangan nga NPA-affected areas isip espisipiko nga mga munisipyo ug kasiyudaran sulod sa Agusan del Sur, Bukidnon, Agusan del Norte, ug Surigao del Norte. Apil sa mga hotspots mao ang Sibagat, Prosperidad, Cabadbaran City, Butuan City, Cabungsuan, Lianga, San Agustin, Placer, Impasug-ong, Malitbog, ug Cabanglasan. Bag-ong mga binakbakay nahitabo sa maong mga lokasyon samtang nagpadayon ang mga sundalo sa ilang clearing operations.
Nagpadayag siya og kapositibo nga ang nahabiling grupo sa NPA, kasagaran ubos sa North Central Mindanao Regional Committee (NCMRC) ug North Eastern Mindanao Regional Committee (NEMRC), ma-nutralisa na una ang ikatulong kuwarter una matapos ang tuig. Kung makuha na ang target, nagplano ang EastMinCom nga iliwag nila ang ilang pagtutok sa pagpalig-on sa external defense operations. (David Ezra Francisquete)