Daghang ilegal nga druga ug armas narekober

Daghang ilegal nga druga ug armas narekober
Hulagway gikan sa Digos City Police Station.

DAVAO DEL SUR - Nakumpiska sa mga sakop sa Digos City Police Station ang daghang marijuana, shabu ug mga armas atol sa pagpatuman og search warrant alas 11:10 Miyerkules sa buntag, Enero 31, 2024 sa Purok Calumpang, Brgy. Cogon, Digos City.

Ang operasyon gipangunahan nila Police Leuitenant Colonel Florante Retes, ang station commander sa Digos PNP, Police Captain Diosdado Niones II kauban ang mga sakop sa Regional Special Operations Group (RSOG) ug uban pang yunit sa awtoridad.

Sumala sa Digos City PNP nga ilang gi-aresto ang mag-amahan nga sila alyas Rommy, 46-anyos, ug ang anak niini nga si Edwin, 24-anyos, lakip na ang ilang trabahante nga si alyas Jun, 31-anyos, lumad nga taga Parang Maguindanao.

Bitbit sa kapulisan ang search warrant nga gipagawas ni Judge Carfelita B. Cardiente-Flores sa kalapsan sa Republic Act (R.A) 10591 kon Illegal Possession of Firearms.

Segun ni Police Captain Niones narekober nila ang lima ka mga nagkalain-laing pakite sa gituohang shabu, tulo ka pakite sa marijuana, mga drug paraphernalia, duha ka mga caliber .38 homemade revolver, usa ka caliber .22 air gun, mga bala ug granada.

Ang mga dinakpan temporaryo nga gikustodiya sa Digos City PNP. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph