MIDANGOP aron magpa-blotter sa buhatan sa Sta. Ana Police Station ang usa ka 26-anyos nga dalagita human gialegasyong gibaklad siya sa iyang ka-boardmate.
Alas 8 sa gabii, Abril 7, 2024 usa ka alyas Merly, 26-anyos, sales clerk, nagpuyo sa Isla Verde, Barangay 23-C, Poblacion, Davao City, ang midangop sa kapulisan.
Saysay ni Merly, namunas siya pasado alas 6 sa gabii, dihang iyang nakit-an ang mata sa gamay nga bangag.
Niya pa nga sukad sa iyang pagpuyo sa boarding house niadtong taknaa lamang niya nasayran nga naa diay dako nga bangag.
Gilayon niyang gigawas ug iyang naapsan nga perteng dagan sa iyang ka boardmate nga si alyas Jeric, 26-anyos ug ka promodiser.
Gimandoan ang dalaga sa kapulisan nga ipatawag ang iyang ka boardmate sa barangay aron didto sila husayon. (JPC)