Darrport Resort sa Mati dili pa maadtoan tungod sa landslide

Kay ang sentro sa Mati City, gilunopan
LUNOP. Hulagway sa usa ka gasolinahan sa Dahican Road, Mati City halos natunga na tungod sa baha.
LUNOP. Hulagway sa usa ka gasolinahan sa Dahican Road, Mati City halos natunga na tungod sa baha.MATI CITY INFORMATION OFFICE

MATI CITY, Davao Oriental — Dili maagian ang kalsada padulong sa sikat nga Darrport Resort ning Dakbayan human sa natigayong landslide sa sige’g ulan dala sa daut nga kahimtang sa panahon.

Kini ang gibutyag sa Mati City Information Office, Huwebes, Pebrero 1, 2024 human nga ang Macambol Road padung sa nahisgutang resort dunay natigayong landslide.

Dili sab maagian ang Muñoz Road padung sa Lungsod sa Tarragona Davao Oriental dunay midahili nga yuta.

Alas 4:20 sa hapon, Pebrero 1, perte pa sab kataas sa tubig-baha sa kalsada padung Dahican, sanglit padayon ang pagbunok sa ulan dala sa low pressure area (LPA) nga mipasulabi sa dakong bahin sa Mindanao partikular sa Davao Region.

Kanselado sab ang mga klase sa pampubliko ug pribadong tunghaan sa siyudad sa paniguro nga luwas ang mga tinun-an diha sa pagtinir sa ilang mga balay.

Sa pagsuwat ning balita, padayong mihimo og clearing operation ang LGU-Mati aron maagian ang mga nag-unang dagkong kalsada sa dapit. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph