DCPO: Crime index sa siyudad nitiurok

DCPO: Crime index sa siyudad nitiurok
(Tampo nga hulagway)

GIBUTYAG sa Davao City Police Office (DCPO) nga dunay kalamboan sa crime index incidents sa unang kuwarter sa 2024 itandi sa niaging tuig.

Sa taho sa ahensiya, ang index crimes niubos ngadto sa 43 incidents (28.47 percent) gikan Enero hangtud Mayo 2024 itandi sa samang panahon sa niaging tuig. Mga kaso sa index crime naglakip sa murder, homicide, physical injury, robbery, theft, rape, kidnapping, vehicle ug motorcycle carnapping.

Duna say pag-ubos sa mga kaso sa espesyal nga mga kaso ngadto sa 19 karong tuiga. Ubos sa Republic Act 9287 (Illegal gambling), dunay pag-ubos nga 96 incidents (23.53%) gikan sa 2023 hangtud 2024.

Apan dunay mga taho nga pagtaas sa "drug-related and illegal possession-related incidents." Ubos sa RA 9165 (Comprehensive Dangerous Drugs Act), dunay pagtaas nga 62 ka kaso, padulong sa 552 hangtud sa 614 incidents sa samang kuwarter.

Ubos sa RA 10591 (Illegal Possession of Firearms), dunay 15 pa ka incidents sa unang lima ka bulan karong tuiga itandi sa niaging tuig.

Padayon pa gihapon ang DCPO sa ilang paningkamot nga mamentinar ang Davao nga maoy pinakaluwas nga siyudad sa nasud, nagpasalamat sa komunidad sa ilang kooperasyon uban ang kapulisan.

Niadtong 2023, ang ahensiya nakadeparal og downtrend sa index crimes sugod gikan 2019, pagtumbok sa statistics gikan 2023 ug 2022. Ang kasong lugos niubos gikan 620 ngadto sa 481; pagpatay gikan 249 ngadto sa 220 ka kaso; physical injuries nihagsa gikan 161 ngadto sa 137 ka kaso; kasong tulis nahagba gikan sa 150 ngadto sa 136; ug dakong pag-ubos gikan 316 ka mga kasong dunay kalambigitan sa kawast ngadto sa 250.

Sa niaging tuig, nakasakmit ang kapulisan og Php 29 milyon kantidad sa ilegal nga druga sa 1,372 anti-illegal drug operations ang gilusad ug 3.765 ka kgs kantidad sa shabu ug 35.315 kgs sa marijuana ang nasakmit.

Sayo ning tuiga, ang DCPO nagpabilin nga top-performing Philippine National Police (PNP) unit sa Region 11 base sa Unit Performance Evaluation Rating (UPER) nga ginalusad matag bulan. (DEF, uban sa taho ni Allyssa Kaye Casaa)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph