GIKANAYON ni Vice President Sara Duterte nga ang iyang defense council nanag-istorya na kon unsaon pagtuman ang mga summon sa Senate Impeachment Court.
“Pinag-uusapan na rin ngayon kung paano nila gagawin yung pag comply sa summons ng Senate,” butyag niya sa pakighinabi sa mga tigbalita niadtong Hunyo 12, 2025, sa Kuala Lumpur, Malaysia.
Sayo niini, ang Office of the Vice President (OVP) nagkompirma nga nadawat na nila ang sumon niadtong Hunyo 11.
Ang Senate sergeant-at-arms maoy nagsilbi sa writ of summons sa OVP sa Mandaluyong City.
Mga sumon nagmando kang Duterte nga mosumite sa iyang opisyal nga tubag sa articles of impeachment sulod sa 10 adlaw sa non-extendible period.
Gisumonan si Duterte nga mopatim-aw sa Session Hall sa Senado sa Pasay City ug nagmando kaniya nga mosunod ug mohimo sa mga mando apil na ang direksiyon ug hukom sa Senado isip impeachment court subay sa Constitution and laws sa Pilipinas.
Sayo niini, gisulti ni Senador Ronald “Bato” Dela Rosa nga naghuwat sila sa lakang sa House of Representatives human gibalik ang articles of impeachment batok kang Duterte.
Nagpahimangno siya nga di dalion ang pagtaral nga "not properly addressing flaws" sa impeachment articles, pinaagi sa pagkanayon nga ang Senado nakakaplag og "inconsistencies" nga maoy hinungdan nga gibalik ang mga dokumento ngadto sa Kongreso.
Niadtong Hunyo 10, 2025, 18 ka mga miyembro sa Senado niboto aron nga mandoan ang Kongreso nga i-certify nga wala kini makalapas sa Philippine Constitution pinaagi sa pagdungog og tulo ka impeachment nga reklamo una ang usa nga "intimately went to a vote."
Niadtong Hunyo 11, ang House of Representatives nipasar og resolusyon nga nag-certify nga ang impeachment proceedings batok sa bise presidente nisunod sa Konstitusyon apil na ang pagduso sa unang tulo ka mga reklamo.
Kahinumdoman, ang Kongreso nagduso sa impeachment kang Duterte niadtong Pebrero sa mga kasong graft, corruption, ug ang gialegar nga assassination plot batok kang President Ferdinand “Bongbong” Marcos Jr. (Rojean Grace G. Patumbon)