Disgrasya sa trak nihasol sa motorista

Disgrasya sa trak nihasol sa motorista
Hulagway iya sa RMN-Gensan

NAKULGOT ang mga sakyanan sa highway alas 5 sa buntag, Lunes, Nobyembre 13, 2023, sa General Santos City human sa nahitabong disgrasya sa kadalanan.

Sigun sa taho gikan sa traffic unit sa General Santos City Police Office nga nawad-an og preno ang wing van truck sa national highway haduol sa construction site sa Under pass project sa dakbayan.

Wala na makontrola sa drayber ang manobela sa trak hinungdan nga nadisgrasya kini sa dalan.

Hinuon, luwas ang drayber ug helper sa truck ug wa puy naangin nga ubang mga tawo sa hitabo.

Apan ang kahasol nga dala niini di masukod human nga daghang mga sakyanan nakulgot ug wala makaagi paingon sa ilang destinasyon.

Apan tungod sa kaabtik sa gihimong aksiyon sa lokal nga panggamhanan sa GenSan uban ang kapulisan, natanggal gilayon ang trak nga nibabag sa tunga sa kalsada.

Nagpasalamat si Gensan Mayor Lorelie Pacquiao nga walay naangol o nabanggaan sa trak sa hitabo. Apan panawagan niini ug sa kapulisan nga mga drayber kinahanglan nga mag-amping kanunay ug segurohon ang kondisyon sa sakyanan aron malikay sa digrasya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph