Drayber wa kakita, nag-bike patay

Drayber wa kakita, nag-bike patay
Hulagway gikan sa Talomo Police Station

PATAY ang usa ka lalaking siklista human nalatayan og dump truck kagahapon sa buntag, Miyerkules, Enero 10, 2024, atubangan sa Talomo Police Station, Barangay Matina Crossing, Davao City.

Sa report sa kapulisan, nag-bike ang wa mailhing biktima sa dihang nihunong kay adunay gipunit apan naligsan sa dump truck.

Rason sa driver, wa niya makita ang biktima.

Nanawagan ang Talomo Police Station 3 pinaagi sa ilang social media account sa kabanay sa biktima nga makig-alayon kanila.

"Maayong buntag, sa mga nakaila sa hingtungdan aning lalaki nga nabanggaan og dump truck sa may Matina Crossing atbang sa Villa Josefina Subdivision, samtang ga-bike, naka-t-shirt og blue ug shorts nga black. Ang iyang patay'ng lawas naa sa Villa Funeral Parlor, Toril Davao City,” subay sa post sa Facebook page sa Talomo police.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph