BISAN sa kakusog sa pagbundak sa ulan, hingpit gyud nalusad ang pagbukas sa Duaw Davao 2025, Huwebes, Hunyo 5, 2025, sa Rizal Park, San Pedro Street, Davao City.
Ang ulan wala makatandog sa kaikag sa Dabawenyos, kinsa nagpakita og tibuok puwersa aron nga saksihan ang paglusad sa flagship seasonal nga selebrasyon sa dakbayan. Gibuksan ang programa pinaagi sa mabulokon nga mga pasundayag gikan sa lokal nga tigpasundayag, nagtakda og tonada alang sa usa ka bulan nga kapistahan.
Usa mga gipahimug-atan sa pagbukas maoa ng presentasyon sa 20 ka mga kandidata alang sa Reyna Dabawenya 2025. Mga kontender magtigi sa preliminaryo nga mga hugna sa Hunyo 16, padulong sa koronasyon sa gabii sa Hunyo 20.
Namulong sa ngalan ni Mayor Sebastian “Baste” Duterte, gipahimug-atan ni Konsehal Alberto Ungab ang kamahinungdanon sa Duaw Davao isip simbolo sa "Dabawenyo spirit".
“We invite everybody to go out and take part in the various events lined up for Duaw Davao from June 5 to 29, 2025,” pagdasig niya.
Iyang gipaambit nga ang Duaw Davao, unang gilunsad niadtong 2024, namugna dili lang aron nga isaulog ang abundang kultura ug bahandi sa Davao apan aron nga hatagan og gibug-aton ang malambuon nga industriya sa turismo, nagsugwak nga arts scene, resilient nga mga komundidad, ug ang natural nga mga atraksiyon.
“May we all enjoy this jam-packed month of June, filled with exciting events and joyous activities for all,” dugang pa niya.
Magpakita ang Duaw Davao 2025 og mga nagkadaiyang han-ay sa kalihukan nga mahitabo sa tibuok bulan: Kape and Tsokolate Crawl (Hunyo 5–29); Esports Tournament (Hunyo 14); Invitational Volleyball League (Hunyo 19–21); Reyna ng Davao 2025 Coronation Night (Hunyo 20); Duaw Davao Music Fest (Hunyo 21); Definitely Davao City Tour (Hunyo 21–22 ug Hunyo 28–29); Duaw Davao Pride Parade (Hunyo 22); Night of Fun and Colors (Hunyo 22); Films and Arts Exhibit, Tourismo & Food Bazaar (Hunyo 25–29); ug Fiesta sa San Pedro: Paghiusayaw (Hunyo 29).
Gikan sa pagyagyag sa kultura hangtud na sa torneyo sa paugnat sa kusog, pagkaon, ug musical nights, ang Duaw Davao 2025 nagsaad og alegre ug halanduom nga selebrasyon alang sa tanan. (Rojean Grace G. Patumbon)