SARANGANI BAY — Nasiplatan na sab ang usa ka dugong sa mga sakop sa monitoring team sa Department of Environment and Natural Resources (DENR 12) sulod sa strict protection zone (SPZ) sa Sarangani Bay Protected Seascape (SBPS).
Ang dugong nga maoy flagship species sa SBPS, nakit-an nga nangaon sa seagrass beds sa Barangay Gumasa sa Glan, Sarangani Province.
Nakuhaan og hulagway ang dugong gamit ang drone camera sa Provincial Environment and Natural Resources (PENRO) sa Sarangani.
Gikanayon ni Cirilo A. Lagnason Jr., SBPS protected area superintendent (PASu), nga talagsa na lang makita ang dugong gumikan kritikal na ang ilang santuwaryo.
Gitataw niini nga ang hiniusang paningkamot gihimo aron mapanalipdan ang mga dugong nga daling mapuo tungod sa pagkawala sa puy-anan.
Dunay mga nangamatay na nga dugong gumikan nakakaon og basura daplin sa dagat.
Kahinumdoman nga niadto sab nga niaging tuig daghang mga dugong nasiplatan sa Sarangani Bay.