Ex-convict nanindag shabu balik prisohan

Ex-convict nanindag shabu balik prisohan
Hulagway gikan sa Digos City Police Station

BALIK karon sa prisohan ang usa ka ex-convict human nga naninda kini’g shabu uban sa usa ka computer shop owner.

Alas 4:05 Sabado sa hapon, Abril 6, 2024, nangadakpan ang duha ka suspek didto sa Purok Aruana, Barangay Zone 3, Digos City.

Balhog na sud sa prisohan ang duha nga sila Alyas Yu, 34-anyos, pedicab driver, usa ka ex-convict ug Alyas Wing 28-anyos, computer shop owner.

Nadakpan sila sa gikasa nga drug buy-bust operation nga gihimo sa mga sakop sa Digos City Police Station sa pagpanguna ni Police Captain Diosdado Niones II ubos sa superbisyon ni Police Lieutenant Colonel Florante Retes, ang station commander.

Sumala ni Niones, ang duha ka mga suspek napalitan og usa ka pakite sa gituohang shabu ug nakuhaan og laing 5 ka mga pakite sa ilang posisyon.

Nakumpiska sab sa kapulisan ang usa ka homemade .38 cal revolver nga dunay upat ka mga buhing bala.

Anaa sa 25.28 gramos ang gidaghanon sa ilegal nga druga nga mokantidad og P303,300.00 ang nakuha gikan sa posisyon sa mga dinakpan. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph