WALA nay kinabuhi nga napalgan ang usa ka ex-convict nga kanhi pastor sulod sa iyang gipuy-an alas 6 sa buntag, niadtong Dominggo, Pebrero 18, 2024 sa Upper Malungon, Brgy. Malamba, Marilog District, Davao City.
Ang biktima giila ni Police Major Nelson Violan ang hepe sa Marilog Police Station nga si Daniel Dondal Ramos, 54-anyos.
Si Ramos bag-uhay lang nakagawas sa Davao Penal Colony (Dapecol) niadtong Enero 13, 2024 tungod sa kasong Act of Lasciviousness.
Subay sa report, sayo sa buntag sa dihang manglimpisa unta ang pag-umangkon sa biktima nga si alyas Grace, anak sa igsuon niini dihang iyang namatikdan nga may nagtulo nga dugo gikan sa kuwarto sa biktima ug sa dihang iyang gilili wa na naglihok ang iyang uyuan.
Daling gitawag ni alyas Grace ang iyang amahan nga si Rodel Ramos, 50-anyos aron pahibal-on ug didto nakita nga wa nay kinabuhi ang kanhi pastor.
Wala pa sab giklaro sa kapulisan kung dunay suspek, sanglit padayon pa ang gihimong imbestigasyon sa hitabo. (Uban sa report ni Cheche Diabordo KAMM Media Network Davao)