'FB picture' nakaingon misis nilayas

'FB picture' nakaingon misis nilayas
Pinaambit ni Jeffrey Nitemban

NAGPATABANG karon ang usa ka mister kinsa giingong gilayasan sa iyang misis gumikan lang sa throw back picture sa Facebook.

Nanawagan si Jeffrey Nitemban, kinsa molupyo sa Barangay Rosary Heights 3, Cotabato City sa iyang asawa nga si Bai Minao Sarento, 20-anyos nga mouli na sa ilang balay kinsa kapin usa na ka bulan nga nilayas sa ilang balay ug giingong nia sa siyudad sa Davao.

Matud ni Nitemban nahitabo ang paglayas sa iyang misis tungod lang sa usa ka hulagway nga gi-post sa iyang Facebook nga gikauban niya ang usa ka babaye niadtong 2013.

Gituohan ni mister nga mao kini ang hinungdan kung nganong gibiyaan siya ni misis. Giingong si Nitemban na karon ang nag-atiman sa ilang duha ka mga anak.

Gitataw ni Nitemban nga gimahal ug pinangga kaayo niya ang iyang misis sukad sa ilang pagminyo. Ug di buot niyang mawala kaniya ang iyang asawa.

Nihangyo siya nga kung kinsa man ang nakakita o nakaila sa iyang asawa nga si Sarento, namalihug siyang tawagan sa 0953-896-8677. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph