Giatake samtang nagdrive, nabangga-patay

Giatake samtang nagdrive, nabangga-patay
Hulagway gikan ni Barangay Kapitan Renren Boquecosa

PATAY ang usa ka lalaki nga nabangga sa usa ka poste sa suga human kini giingong giatake og high blood alas 6:15 sa buntag, Sabado, Abril 6 sa Saranggani Province.

Biktima giila nga si Janjan Bag-ao taga Maitum Sarangani Province.

Sa report, giingong kalit nga mibangga ang gisakyan nga kotse ni Bag-ao sa poste sa solar street light sa Purok 5 Tinago, Barangay Poblacion, Maasim, Sarangani Province.

Saysay ni Kapitan Renren Boquecosa, Barangay Kapitan sa Barangay Bales, Maasim nga nakita niya ang kotse nga mihaguros ug daw wa nay kontrol ang drayber nga nagduko sa manobela dayon mibangga sa poste.

Gitabang ug gidala sa bay tambalanan ang negusyante apan gideklara kining dead on arrival sa mga doktor.

Gikumpirma sab sa doktor nga nakasinati og cardiac arrest ang biktima. (Edgardo E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph