Gilampurnas sa balud, patay

Gilampurnas sa balud, patay
Tampo nga hulagway

WALAY kabutangan sa kasubo ang mga ginikanan sa tulo ka mga menor de edad nga nangalumos adlaw’ng Sabado, Abril 13, 2024 sa South San Juan, Agdao District, Davao City.

Sumala sa mga nakakita sa mga bata sa dapit, ulahi nilang nakita nga sadya kini nga nangaligo sa dagat kinsa nagpangedaron og 3-anyos, 4 ug 7-anyos, kinsa pulos nagpuyo sa dapit.

Wala na nakita ang mga bata nga gituohang nadala sa kusog nga sulog sa tubig-dagat.

Pagkahapon, nabalaka na ang ilang mga ginikanan gumikan wala na nila kini nakita hinungdan nga nagpatabang na sila sa awtoridad.

Personahe sa Philippine Coast Guard ug Central 911 Search and Rescue team unang napalgan ang lawas sa 4-anyos nga bata, alas 9:45 sa gabii sa samang adlaw.

Nakita kini duol sa ginahimong coastal road sa dapit. Gidala kini sa ospital apan gideklarang dead on arrival sa doktor.

Pagka-alas 9:56 sa gabii sa samang petsa, ang lawas sa 7-anyos na sab ang nakita nga naglutaw sa may baybayon sa San Jose Ipil Beach, Barangay Duterte.

Gidala sab kini sa ospital apan wala na matabang.

Samtang mga alas 10:45 sa gabii, nakita ang lawas sa laing 7-anyos nga bata ilawom sa mga panimalay sa baybayon sa San Jose Ipil Beach, Barangay Duterte.

Gi-CPR kini sa medical team, wala na gidala sa SPMC subay sa hangyo sa inahan niini tungod wala na sab kini kinabuhi.

Pahimangno sa awtoridad nga seguruhong mabantayan gayod ang mga anak labi pa kung menor de edad pa kini. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph