COTABATO CITY -- Bugto ang kinabuhi sa mag-uuma human napaakan sa iyang binuhi nga kobra alas 10:15 sa gabii, Huwebes, Mayo 29, 2025, sa Mother Kabuntalan, Maguindanao del Norte Province.
Giila ang biktima nga si Zacaria Blah alyas Boy Cobra, 58-anyos, minyo, ug nagpuyo sa Barangay Maitung, Mother Kabuntalan.
Matud sa anak niini nga si Bai Jihan nga samtang natulog ang amahan, kalit lang kining miping-it sa sobrang kasakit.
Sa dihang ilang gisusi, nakabuhi diay sa kulongan ang binuhi niini nga King Cobra o banakon. Giingong naipit ang halas samtang natulog si Blah hinungdan nga gipahit ang iyang paa.
Wala na madala pa sa balay tambalanan ang mag-uuma ug namatay gumikan sa lala sa bitin.
Gidugang ni Jihan nga dugay nang binuhi sa iyang amahan ang banakon hangtud nga kini midako diin eksperto sab ang biktima sa pagpanakop sa nagkadaiyang klase sa halas. (Edgar E. Fuerzas)