Haya sa 4 sundalo gibisita ni VP Sara

GIGAKOS ni Bise Presidente Sara Z. Duterte ang asawa sa usa sa upat ka mga sundalo nga napatay Sitio Bagurot, Brgy. Tuayan Mother, Datu Hoffer Ampatuan Maguindanao del Sur.
GIGAKOS ni Bise Presidente Sara Z. Duterte ang asawa sa usa sa upat ka mga sundalo nga napatay Sitio Bagurot, Brgy. Tuayan Mother, Datu Hoffer Ampatuan Maguindanao del Sur.6th ID PA

BARMM — Gibisita ni Bise Presidente Sara Z. Duterte ang haya sa upat ka sundalo sa headquarters sa 6th Infantry (Kampilan) Division, Philippine Army, sa Camp Siongco, Awang, Datu Odin Sinsuat, Maguindanao del Norte ala 1 sa hapon, Lunes, Marso 18, 2024.

Ang Bise Presidente nagpahayag sa iyang pahasubo ug nakigsulti sa mga pamilya sa mga namatay nga sundalo. Nag-ampo usab si VP Sara sa haya sa upat ka mga sundalo ug mihatag usab og cash assistance sa mga kabanay.

Gi-welcome nila Western Mindanao Command Commander, Lieutenant General William N Gonzales PA ug 6th Infantry (Kampilan) Division Chief ug Joint Task Force Central Commander Major General Alex S Rillera si VP Sara sa balay sa Kampilan Troopers.

Giila ang mga namatay nga sundalo nga sila Pvt Marvin Dumaguing, Pvt Jessie James Corpuz, PFC Carl Araña nga pulos sakop sa 40th Infantry (Magiting) Battalion ug Cpl Creszaldy Espartero sa 3rd Cavalry sa 601st Brigade.

Kahinumdoman nga napatay sa pagpamanhig sa Dawslah Islamiyah Terror Group sa Bangsamoro Islamic Freedom Fighters (BIFF Bungos faction)  ang upat ka sundalo nga sakay sa multicab nga gikan mamalit og pagkaon alang sa 'Iftar' sa mga molupyo sa palibot sa ilang kampo sa Sitio Bagurot, Brgy. Tuayan Mother, Datu Hoffer Ampatuan Maguindanao del Sur.

Pag-abot nila sa Brgy. Tuayan 1 sa Datu Hoffer Ampatuan didto na sila girakrakan sa mga terorista.

Dead on the spot ang mga biktima nga natusak-tusak sa bala sa nagkadaiyang parte sa ilang kalawasan.

Una, gikondena sa 6ID/JTFC ug sa tibuok Philippine Army ang bangis ug dili tawhanon nga pagpamatay sa mga sundalo sa gobyerno kansang tuyo mao ang pagpanalipod sa katawhan batok sa mga dautang elemento.

Samtang, gibisita usab ni VP Sara ang mga samaron nga sundalo nga nagpaalim sa Camp Siongco Station Hospital, tungod kay nagtuo ang opisyal nga ang mga sundalo mao ang gitawag nga mga bayani sa nasud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph