Head teacher giatngan ug girapido

Head teacher giatngan ug girapido
Hulagway iya sa Lambayong Municipal Police Station

PERSONAL nga atraso ang gilantaw sa mga awtoridad sa pagpusil sa head teacher sa Department of Education (DepEd) alas 5:00 sa hapon, Miyerkules, Nobyembre 15 sa Lambayong, Sultan Kudarat Province.

Giila ang biktima nga si Hermielex Kapusan, head teacher sa Tukanakuden Elementary School sa Barangay Tukanakuden Sultan Sa Barongis, Maguindanao del Sur apan nagpuyo sa Purok Rang-ay, Barangay Poblacion, Lambayong, Sultan Kudarat.

Gibutyag ni Lambayong Chief of Police, Major Jetro Doligas, nga sakay ang biktima sa iyang motorsiklo gikan sa Tukanakuden Elementary School pauli na sa iyang gipuy-an.

Apan pag-abot niini sa Purok Pag-asa, Barangay Tinumigues, Lambayong, kalit lang siyang gipara sa duha ka wala mailhing tawo ug gipusil gamit ang kalibre .45 nga pistola ug dayong ikyas sakay sa motorsiklo paingon sa hilit nga dapit sa Maguindanao del Sur.

Nadala pa ang biktima sa balay tambalanan apan gideklara kini sa doktor nga dead on arrival human maigo sa dughan ug likod nga bahin.

Padayon pang gisubay sa Lambayong Municipal Police Station ang pagpamusil patay sa magtutudlo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph