Health center sa lalaki tukoron

Health center sa lalaki tukoron
Hulagway gikan sa City Government of Davao Facebook

SA DAVAO City, plano karon sa lokal nga panggamhanan nga magmuntar og health center alang sa mga lalaki.

Kini ang gibutyag ni Jerrielyn B. Lewis, Chief sa City Population Division sa Davao City Health Office, atol sa iyang interview sa Kabataan, Pamilya ug Katilingban Program sa Davao City Disaster Radio (DCDR) niadtong Lunes, Enero 22, 2024.

Sumala ni Lewis nga ang health center alang sa mga lalaki, maoy motutok ug mo-atiman sa mga medical nga panginahanglan sa mga kalalakin-an susama sa prostate cancer, mga personal sexual issues ug uban pa nga puwede nila dalaon sa men’s health clinic.

Nasayran nga karong tuiga, planong i-muntar ang health center tungod kay aduna nay kompletong plano ug anaa na sab ang gikinahanglan nga mga tawo niini.

Tumong niini nga mahatagan sab og importansiya ang health condition sa mga kalalakin-an.

Ang maong plano usa sa mga nakahan-ay nga programa ni Davao City Mayor Sebastian Duterte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph