Helicopter ni Quiboloy nituyok sa Davao Region

Helicopter ni Quiboloy nituyok sa Davao Region
File photo

GIKOMPIRMA sa Civil Aviation Authority of the Philippines-Davao Region (Caap-Davao) pinaagi sa ilang "live flight tracker" nga ang personal nga helicopter ni Pastor Apollo Quiboloy nilupad niadtong Mayo 4, 2024 sulod sa hamubong mga oras sulod sa hurisdiksyon sa Davao.

Base sa radar sa ahensiya, ang RPC 8488 black helicopter nga pinagita sa balaod nilupad gikan sa Apollo Air Business, Kingdom of Jesus Christ (KJC) hanger tapad lang sa Davao International Airport sa Davao City mga alas 10:00 sa buntag ug nitugpa sa Malungon, Sarangani, Davao Occidental sa ingon nga oras ug nibalik dinhi sa siyudad mga 11:00 sa buntag.

Bisan sa wala masayring mga lugar nga gibisitahan sa helicopter, si Romel Chaonui, CAAP-Davao Security Supervisor nagsulti sa SunStar Davao sa paghinabi sa telepono, Lunes sa hapon, Mayo 13, nga ang helicopter ni Quiboloy gitugtan sa balaod nga makalupad kay wala kini legal nga polisiya nga i-ban ang iyang operasyon bisan kung dunay daghan nga giserbi nga mga warrant of arrests batok kaniya sa way piyansa niining mga kaso sa "human trafficking".

Apan ang helicopter gidid-an nga molupad gawas sa nasud tungod sa istrikto nga rekisito ug sumbanan nga gihatag nga si Quiboloy gikonsidera nga “fugitive from justice”.

Gani ang helicopter kasagaran mobiyahe sulod sa KJC, personal nga beach property sa Samal, ug Prayer Mountain sa Tamayong sa Calinan district.

“Nakalupad po sila. Wala tay order na di pwede palopadon [and] wala tay nadawat nga order sa Caap-Manila, sa atoang central office. Wala tay legal basis nga di ni siya pwede molupad,” tataw ni Chanoui.

Apan, gisulti sa opisyal nga si Quiboloy wala mosakay atol niadtong orasa ug ang mga hinungdan luyo sa operasyon wala pa madeterminar sukad sa pagsulat ning balita.

“Wala si Quiboloy. Dili pud ta sure unsay rason nganong gipalupad to pero, sa atoang monitoring wala gyud didto ang pastor” dugang pa sa opisyal.

Kasamtangan ang Philippine National Police-Central Office nipasumbingay sa nahimutangan sa founder sa usa sa pinakadako nga sekta nga simbahan sa kalibutan.

Kini human nga ang tracker team sa ahensiya sayo niining semanaha nagbutyag nga naa na silay “good leads”.

Apan ang tibuok impormasyon wala pa gibutyag aron nga malikayan nga makomplekto sa padayong manhunt operation. (David Ezra Francisquete)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph