NAGPADAYAG og dakong pasalamat ang Hugpong sa Tawong Lungsod Party (HTLP), pangunahan sa impluwensiyadong pamilyang Duterte, sa mga Dabawenyos human sa maharoson nga kadaugan sa May 2025 National and Local Elections.
Sa usa ka pamahayag, gitawag sa partido ang resulta nga “resounding affirmation of principled leadership, genuine public service, and grassroots governance.”
“This sweeping mandate is not simply a win for HTL—it is a triumph of public trust and a declaration that the Davaoeño people continue to believe in a leadership that listens, acts, and delivers,” mabasa sa pahayag.
Gidayeg sab sa HTLP ang mga botante nga nakigbisog sa gihulagway nga “coordinated disinformation, resource-driven coercion, and brazen attempts to manipulate the electoral process.”
Matud sa partido nga ang resulta nagdala og lig-ong mensahe batok sa politikal nga panglimbong ug kaalingasa.
Nidominar ang HTLP sa eleksyon, gidaug ang tanang mga dagkong posisyon sa Davao City: mayor, bice mayor, tanang tulo ka kongresisyonal nga lingkuranan, ug sa tibuok konseho sa dakbayan.
Si kanhi President Rodrigo Roa Duterte, kasamtangang nadetinar sa International Criminal Court (ICC) sa The Hague tungod sa gialegar nga kalapasan sa tawhanong katungod atol sa iyang pagka-presidente, migama og "politikanhong pagbalik" pinaagi sa haros nga kadaugan alang sa Davao City mayor. Nakuha niini ang 662,630 nga boto—layo kaayo ang lat-ang sa kontra nga si Karlo Nograles, kinsa nakadawat og 80,852 ka boto.
Iyang anak, Sebastian “Baste” Duterte, nakuha ang posisyon sa pagka-bise mayor uban ang 651,356 ka boto, nagpildi kang Bernie Al-Ag (78,893).
Ang tigi sa kongresiyonal, gilugwayan sa pamilyang Duterte ang ilang paghupot sa politika. Paolo “Pulong” Duterte napabiling kongresista sa unang distrito nga dunay 203,557 ka boto batok kang House Deputy Majority Leader Margarita “Migs” Nograles (49,186). Anak ni Pulong, Omar Duterte, nidaug sa pagka-kongresista sa ikaduhang distrito uban ang 160,432 ka boto batok ni Javi Garcia Campos (90,156), samtang ang kaalyado ni Duterte nga si Isidro Ungab nidominar sa ikatulong distrito uban ang 178,721 ka boto, nagbuntog kang Nonoy Al-Ag (30,687).
Si Rodrigo “Rigo” Duterte II, kamanghuran nga anak ni Pulong, nanguna sab isip konsehal sa unang distrito uban ang 192,324 ka boto—nga nagsemento pa gyud sa kaimpluwensiyado sa pamilya sa lokal nga panggamhanan sa Davao City.
Misaad ang HTLP mga mag-alagad nga dunay integridad ug kompasyon, nagsaad sa way dapigan nga kalamboan ug lig-ong pagpakiglambigit sa komunidad.
“To our volunteers, supporters, and every Davaoeño who voted, stood watch, and spoke the truth—we share this victory with you,” panapos sa partido. “Padayon ta sa serbisyo. Padayon ta sa tinuod nga pagpanerbisyo.” (David Ezra Francisquete)