Hustisya sa gipatay'ng bana gisinggit

Hustisya sa gipatay'ng bana gisinggit
Google Maps

HUSTISYA ang singgit karon sa kabanay sa usa ka lalaki sa Tagum City nga gipusil patay sa wala pa mailhing mga suspek.

Kahinumdoman nga Biyernes sa gabii, Mayo 3, 2024, natugaw ang malinawon nga kagabhion sa mga taga Purok Malinawon Homes, Magugpo East, Tagum City human madungog ang buto-buto sa armas.

Hagba sa yuta nga naligo sa kaugalingong dugo ang biktima nga si Ronron Llega, 30-anyos nga nagpuyo ra sab sa dapit.

Suma pa nga kalit lang giduol ang biktima sa wala mailhi nga suspek ug way daghang langas gipusil siya makadaghang higayon.

Ang kapikas sa biktima nga si Jenifer Grengia Tumulac, napuno sa kapungot ug kasakit sa gidangatan sa iyang bana,

"TAGAAN NAKO'G HUSTISYA IMONG PAGKAMATAY PAWIKS DILI KO MOHUNONG," sa Facebook post ni Tumulac.

Sa mga post ni Tumulac, giangkon niini nga naglisud siya sa pagsud-ong sa nahitabo ug asa siya magsugod human sa kamatayon sa kapikas.

Sa kasamtangan, imbestigasyon sa hitabo padayong gihimo sa kapulisan sa Tagum. (Rhona Goc-ong-Villariasa)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph