HUMAN sa pipila ka tuig nga hilom nga pakigbisog sa magtiayong Maguad ug tinguha sa hustisya sa kamatayon sa ilang mga anak nga sila si Gwyn ug Boyboy Maguad, nabatian na nila karon nga duna gyud diay hustisya.
Bisan og dili na mabalik ang kinabuhi sa ilang mga anak, ang ilang inahan nga si Lovella Maguad, mokonsiderar nga nilampos sila sa pagpapriso sa mga mamumuno kinsa mga menor de edad pa niadtong nahitabo ang krimen.
Gikompirma ni Maguad nga ang kauban sa krimen, ang sakristan, mag-edad og 20-anyos karong Agosto, magsilbi sa iyang sentensiya sa kasong pagpatay.
Sa mando sa korte, mapriso siya sulod sa 22 ka tuig ug labing taas nga 37 ka tuig nga reclusion temporal.
Ang amahan sa magsuon nga si Cruz Maguad nagpasalamat sa ilang mga abogado nga nagmalampuson sa pakigbatok sa ilang tinguha nga manubag ang mga kriminal.
Samtang ang utok sa double murder nga kaso nga si Janice, una na nga napriso sa pag-abot niya sa edad nga 18-anyos.
Kahinumdoman nga gipamatay sa mga suspek magsuon niadtong Disyembre 10, 2021 sulod sa ilang balay sa M’lang, Cotabato Province. (Edgar E. Fuerzas)