NANAWAGAN ang nadetinar nga ebanghelista ug kandidato sa pagka-senador nga si Pastor Apollo C. Quiboloy alang sa mano-manong pag-ihap og balik sa mga boto sa nanagan sa pagka-senador, sa gitumbok nga alegasyong halapad nga iregularidad sa eleksyon, apil ang iyang "consistent ranking" sa nagkadaiyang siyudad.
Iyang legal nga tigpamaba, Atty. Israelito Torreon, niapela niadtong Martes, Mayo 13, 2025, human nga ang parsiyal ug di pa opisyal nga mga resulta sa 2025 nga national ug local elections nagpahimutang kaniya sa ika-42 nga puwesto, uban ang kapin 5.5 milyon nga boto.
"On behalf of Pastor Apollo C. Quiboloy, we sincerely thank the millions of Filipinos who supported his senatorial bid. Your trust and belief in his message of truth, justice, and accountability are deeply appreciated," matud ni Torreon sa pahayag. "However, our fight does not end with the elections."
Giangkon ni Torreon nga ang kampo ni Quiboloy nakadawat og daghang mga taho sa "overvoting, ballot-reading inconsistencies, and other alleged anomalies" nga ilang gituohan nga nagkompromiso sa kredibilidad sa proseso sa eleksiyon.
“This is not a rejection of democracy but a call to uphold it,” tin-aw ni Torreon. “We are urging a manual recount of the senatorial votes to ensure that every Filipino vote is properly counted and reflected.”
Iya sab nga gikuwestiyon ang "statistical plausibility" ni Quiboloy nga nagpahimutang kaniya sa ika-42 sa 24 ka nagkadaiyang siyudad, nagtawag niini nga “highly irregular and statistically improbable” naghatag og kalisud sa mga botante niining mga lugara.
Kahinumdoman nga si Torreon nag-adbokasiya alang sa pagbalik sa "precinct-level manual vote counting", nagpahimangno nga ang kasamtangang automated system bulnerable sa cyberattacks ug potensiyal sa manipulasyon.
Apan ang Commission on Elections (Comelec) nagbasura sa sugyot, nagtumbok pagpugong sa legalidad ilawom sa Republic Act No. 9369 o ang Automated Election Law, nga nagmando og automated vote counting gikan sa mga presinto ngadto sa iniphanay sa nasyonal.
Bisan sa mga alegasyon, gibarugan sa Comelec ang kredibilidad sa 2025 nga eleksyon.
Sa usa ka special briefing nga gilusad 25 oras human gitak-op ang pagbotar, subling gikompirma sa komisyon nga way dagkong "discrepancies" ang gitaho. Ang nasinati nga depektong teknikal ginagmay lang ug wala magtimaan og pagpanikas, matud nila.
Giklaro sab sa Comelec nga ang parsiyal ug di pa opisyal nga mga resulta nga nagkatap sa media wala gipagawas sa komisyon.
“If there is a partial tally, the data may have been sourced from us, but we did not release that tally,” pangatarungan ni Comelec spokesperson John Rex Laudiangco. “The running tally of results is coming from other entities.”
Subling gipahayag ni Chairman George Erwin Garcia nga ang papel sa Comelec mao ang pag-transmit sa official election returns gikan sa clustered precincts, dili sa pagmantala sa di pa opisyal nga mga tali. Iyang gipasalig ngadto sa publiko nga tanang transmisyon gihimo nga dunay seguridad ug pagkasihag.
Samtang nagpadayon ang pag-ihap, tulo ka alyado ni kanhi President Rodrigo Duterte—naila isip “DuterTEN”—nakasulod sa Magic 12, samtang ang mga kandidato nga oposisyon sama kang Paolo Benigno “Bam” Aquino IV ug Francis “Kiko” Pangilinan nikanaw-kanaw pud, nagsalikway sa mga gilauman sa pre-election survey.
Giawhag sa Comelec ang tanang mga kandidato ug ang publiko nga irespeto ang prosesong opisyal ug gipahimug-atan nga ang integridad sa eleksyon nag-agad dili lang sa teknolohiya apan sa pagsalig sab sa publiko ug pagtuman sa makiangayon nga pamaagi. (David Ezra Francisquete)