NAKITA nato siya nga nagsakay og big bike apan makita nato ang iyang kalahian kang Davao City Mayor Sara Duterte-Carpio dihang apil siya sa ika-duhang Alveo Ironman 70.3 sa Marso 24, 2019.
Ang pag-apil ni Duterte-Carpio gipahibawo pinaagi sa Facebook ni Sunrise Events executive Princess Galura niadtong Martes, Oktubre 2.
Makauban sa mayor sila Compostela Valley Governor Jayvee Tyron Uy ug Taguig City Representative Pia Cayetano nga mopresenta sa Davao City's Team Life is Here sa relay event.
Si Duterte-Carpio makita sa aksiyon 21-kilometer run samtang si Uy molangoy ug Cayetano masulayan sa 90K bike stage sa triathlon.
Samtang ang bana sa mayor nga si Atty. Mans Carpio maoy mangulo sa Team Tapang at Malasakit, nga gilangkuban nila Sports Development Division-City Mayors Office (SDD-CMO) chief Mikey Aportadera ug swimming coach Vasit Venturillo.
Ang trio misalmot na sab sa unang Davao edition ning tuiga.
Ang rehistrasyon opisyal nga gibuksan nga dunay 1,483 lang mirehistro niadtong Lunes, alas 4 sa hapon, matud ni Davao City Tourism Operations Office head Generose Tecson.
Anaa sa 200 ang nagpalista onsite samtang ang uban mirehistro sa online.
Bahin ni Aportadera miingon nga daghan pa ang magpalista sa sunod tuig. (ABM)