SI ROMA 2020 Weightlifting World Cup triple gold medalist Hidilyn Diaz ug Aiba Women’s World Boxing Championships 2019 gold medalist Nesthy Alcayde Petecio pabiling malaumon taliwala sa pagpostpone sa Tokyo 2020 Olympics ngadto sa 2021 tungod sa coronavirus disease (Covid-19) pandemic.
Si Diaz, nga miangkon og silver medal sa 2016 Rio Olympics, gipaagi sa Instagram ang iyang kadismaya nga nausab ang iskedyul sa Olympics.
“I left everything on hold in preparation for the Olympics. This includes school, family, and friends but right now we are talking about safety and health of all the athletes, their coaches, and their teams that will participate in the Olympics.”
Dugang niya, “(I) have one more year to prepare for the Olympics. One thing I know is that to me and #TeamHD giving up was never in our vocabulary. We are almost there and we can make it through,” niya, nga mibulsa sab og bulawan sa 30th SEA Games.
Usa sab siya sa nagtarget og pwesto sa Tokyo Olympics uban si Petecio, diin ang qualifying tournaments nakanselar tungod sa krisis sa panglawas.
Si Petecio sa iyang kabahin, naawop ang paglaum human mapildi atol sa Asian and Oceanian Olympic Boxing Qualifying sa Amman, Jordan.
“Naa lang man ang Olympics diha dili man na mawala pwede lang ma-adjust pero ang kinabuhi isa ra man na. Happy ko nga mas giprotektahan nila ang mga atleta ug mga tao.”
Gidasig sab niya ang mga Pinoy nga maghiusa.