GIDEKLARANG overall champion ang Inawayan Karate Ryu sa Davao Central College of Toril (DCCT) human mibulsa og pito ka bulawang medalya, noybi plata ug 10 bronze sa bag-ohay Kalivugan Festival 2018 sa 104th Foundation anniversary Karatedo Tournament of Gov. Lala Mendoza sa Agri Center sa Amas Kidapawan.
Ikaduha ang Don Carlos Bukidnon nga dunay unom bulawan, duha plata ug tulo bronze samtang ikatulo ang Tagum City nga nakakuha og lima bulawan, usa plata ug upat bronze.
Samtang ang ikaupat mao ang Bang Bang nga dunay 3-6-16 ug ikalima ang Notre Dame of Kidapawan nga dunay 4-6-7 sa bulawan-plata ug bronze.
Ang mga midaug mao sila Ken Auman (1 gold) sa mens -55kg. kumite ug 2 silver sa men's kata ug men's -61 kgs.; Neil Algarme 1 gold sa men's -70kgs., 2 silver sa men's -55kgs ug men's - 65kgs ug bronze sa men's kata.; Reyna Marie Flores 1 gold sa women's kata, 3 silver sa cadet intermediate kata, advance Kata ug +55 kgs kumite sa cadet.
Thea Dela Pena dunay 3 bronze sa cadet intermediate kata, Advance Kata ug cadet +50 kgs kumite; Nestor moreno 2 gold sa boys intermediate kata ug boys -55kgs kumite ug silver sa advance kata boy 15yrs.old below; Kristine Legada 1 gold sa -35 kgs girls novice kata ug bronze sa girls kumite -35kgs.
Loislane Mayoral 1 bronze sa -35kgs Novice kata ug 1 silver sa -35kgs girls kumite. Mitz Soriano 1 bronze sa Novice +35 kata,ug girls -50 kg kumite; Idel Flores 1 gold sa Novice +35kgs sa kata, ug silver sa -45 kgs kumite. Ericka Lumain ug Arabella Flores bronze sa Novice Kata.
Nagmalampuson ang mga atleta uban sa tabang sa ilang coaches Mary Grace ug Maridel Flores. Renshie Edilberto Flores, ug Founder sa Inawayan Karate Ryu kinsa mapasigarbo sa ilang tim. (Marizz R. Perez)