CEBU CITY -- Si Divine Charisse Aseneta, kinsa mihatag sa Davao City og ikaduhang bulawang medalya sa Philippine National Games (PNG) 2018 judo competition nga nahuman didto sa University of San Carlos North Campus Gym niadtong Huwebes, miingon ang iyang ginikanan nga maoy nag-impluwensiya moduwa sa maong isports.
Si Desiree Inciso unang nakasungkit og bulawan alang sa Davao sa senior women's +78 kgs.
Ang 19 anyos, third year college Sports Science student sa University of the Philippines (UP) Diliman, midomina sa junior women's 63 kilograms division human nakaplata sa senior women's 63 kgs event.
Gipildi niya si Remieanne Pangilinan sa Quezon City pinaagi Ippon.
"Sa parents ko, sa kanila ko inaalay ang aking mga tagumpay at napapanalunan na tropeyp o medalya sa bawat laro. Ipapakita ko sa kanila ang pinaghirapan at resulta ng aking pag-eensayo at lahat ng kanilang tinuro. Sila ang number one parents, coach, and cheerer. Kahit ngayong PNG 2018 hindi sila dumating at least maaasahan parin na mananalo ako at hindi ko sila binigo," pahayag niya sa Sun.Star Davao, nga nagpasabot iyang ginikanan Jay ug Ladory pulod judo players nga nahimong instructors.
Si Aseneta, kinsa nagsugod og judo sugod 6 anyos miingon nga dugay na niya gipreparahan ang PNG ug target gyud makabulawan. MLSA