DI GYUD papugong ang Los Angeles Lakers sa ilang pagbansiwag, dihang miabot pa og pito ang ilang winning streak sa bag-o nilang kaatbang ang Atlanta Hawks, 101-96.
Kini na ang ika-24 nga kadaugan sa Lakers karon nga season ug tulo ka pildi.
Daw sama sa wa mibati og kakapoy ang 34-anyos nga NBA superstar nga si LeBron James tungod miadto pa kini og Ohio aron lantawon ang duwa sa anak, una kini miadto sa Atlanta, samtang sa nakalabay nga adlaw atua siya sa Miami.
Hapit sab makatala og triple double performance si James nga may 32 points, 13 rebounds ug seven assists.
Luyo sa showtime performance ni LeBron, wa sab pauwahi si Anthony Davis nga may 27 points.
Sa Miyerkules moadto ang Lakers sa Indiana.
Ang Hawks sab modayo sa New York alang sa match-up sa duha ka worst teams sa East.