ANG Davao del Norte’s secondary boys booters, nga produkto sa Davao del Norte Regional Sports Academy, maoy kampeyon sa Davao Region Athletic Association (Davraa) Meet 2024 football competition sa Davao City-University of the Philippines (DC-UP) field sa UP Mindanao, Sabado, Abril 6.
Ang Pioneers ug Davao City Durians miresulta sa scoreless draw sa pagtapos sa regulation, mao gihimo ang penalty shootout.
Sa kulbahinam nga shootout, ang Davao del Norte mipildi sa 2023 Davraa champion Davao City, 3-2, aron makuha ang gold medal.
Si Coach Vincent Martin sa DavNor Pioneers, maikagon sa ilang makasaysayang kadaugan.
Suma niya nga kini ang unang beses nga sila midaug sa Davraa diin grabe ang ilang pagpangandam niini.
“We prepared for a long, long time. It’s not only just one year but two. We made our team as a whole for so many years of counting. This would be our first time to participate in the Davraa and we are blessed that we were given the opportunity to be the winner. This will be our first time to compete in Palarong Pambansa,” dugang sa coach.
Si Team captain Alba Jomar Jurada nagyagyag sab sa mga kausaban ug kalambuan sa tim, itandi sa nakalabay nga tuig diin sila 4th placer.
“Naa koy mali as a team captain pero gibawi rapud nako. Para ni sa history sa Davao del Norte, first time gyud ni namo mag Palaro," ni Jurada.
Ang Davao City nga gibandera sa the Holy Child College (HCCD) Red Eagles, miangkon sa silver.
Alang ni assistant coach Ramonito Carreon nga malipayon siya sa resulta sa duwa ug nakita niyang naningkamot ang mga atleta.
“I’m happy sa ilang performance. I know na gibuhat nila ang tanan and hantod diri lang gyud mi. So next year, we will come back and makuha na gyud namo ning Palaro." (Wilbert Duran/Tricia Del Campo, SunStar Interns)