ANG Team RTS, nga gipangunahan sa Holy Child College of Davao (HCCD) Red Eagles, miangkon duha ka sunod-sunod nga kadaugan aron molambo ang rekord nilang lima ka daug, usa ka pildi sa Rockstar division sa nagpadayong Future Star League sa RMC Petro Gazz Arena.
Ang RTS mipildi sa 3BZ Emar, 66-48, Lunes, human sab gipildi ang Broadstreet, 65-30, Dominggo.
Ang RTS, diin coach ang beteranong sila Nestor Sorrosa ugRoger Rabago, mipupog sab sa Cristo Rey, 58-34.
Si Coach Rabago nagsulti nga tim di unta motigi karon nga tuig tungod sa entry fee apan may nagtanyag nga mosuporta alang sa pagsalmot sa tim.
“Nalipay mga bata kay gusto jud sila mudula,” suma niya.
Si Jr. NBA national camp qualifier Daniel John Quijada ug Ian Cuajao, manghud ni Holy Child standout ug Aean School Games gold medal performer Vince Petdeo Cuajao, giilang best players sa nakalabay nga RTS games, ang nanguna sa tim.
Apan si Rabago nagkanayon nga di sayon ang dalan pa-finals.
“Duna pamay mga elimination games den top four sa semis. Dili pud mi kasulti nga diretso nami nga magchampion kay kusog pud ang Ateneo nga dunay reinforcement gikan Precious.”
Ang eight-team division gisalmutan sab sa Vegas, Basic Basketball ug Mafs samtang ang ubang elite star category may unom ka tims.
Ang liga giorganisa sa Basketball Avenue.