TAGUM CITY, Davao del Norte -- Si Liaa Margarette Amoguis mihimo og balud didto sa Davao del Norte Sports and Tourism Complex, Miyerkules, Pebrero 6 ug angkunon ang duha ka bulawan aron nga manguna sa unang adlaw sa Davao City nga nanghakot og unom bulawan, tulo ka plata ug walo ka bronse sa Batang Pinoy 2019 Mindanao Qualifying Leg sa tigi sa langoy.
Si Amoguis, mag-12 anyos sa Marso, nakigbisog sa breastroke apan nakabawi sa freestyle aron nga biyaan ang taga North Cotabato nga si Saira Pabellon aron nga harion ang girls 12-under 200-meter individual medley (IM). Mioras sai Amoguis og dos minutos ug 39 segundos samtang si Pabellon mihuman og 2:42.
Ang Dabawenya, kinsa misilhig sa unom ka bulawan ug usa ka plata sa Davraa Meet 2019 sa milabay nga semana sa Davao City, nagsulti sa paghinabi sa SunStar Davao, "I tried to think of the techniques my coach told me. The swimmer on lane five was first in fly I was scared I might end up with a silver. But a silver is a step to disappointment. I wanted to win gold."
Si Amoguis, anak ni physicians Lowell ug Cynthia, nibulsa sa ikaduhang bulawan sa 100m butterfly.
Target niya ang dugang pang upat ka bulawan. "My sister is already in high school and she won all the golds before. This is my time now to win a lot of golds because next year I'll be in high school already."
Iyang gitumbok ang iyang igsuon nga si Lora Micah, 13, kinsa nakabulawan sab sa girls 13-15 200m IM sa oras nga 2:35.06.
Si Lora gihagit sab sa taga North Cotabato nga si Jie Angela Talosig sa tibuok lumba apan ang maguwang nga Amoguis mas miduot pa og maayo. "I really want to do this for my parents, my coach and for Davao. It was like when I saw her I wanted to be the first coz I haven't been competing in the Batang Pinoy for a long time."
Nakakolekta siya og plata sa relay niadtong 2016 Batang Pinoy National Championships.
Ang magsuong Amoguis wala makigtigi sa Batang Pinoy Mindanao leg sa milabay nga tuig didto sa Oroquieta City tungod sa seguridad atol sa giyera sa Marawi.
Sila Juliana Marien Villanueva (girls 13-15 800m freestyle), Pietro Dominic Requiza (boys 12-under 50m backstroke) ug Alissa Ysabelle Lazarraga (girls 13-15 100m butterfly) nidugang og bulawan sa Davao City sa langoy.
Giangkon ni Villanueva nga nabati niya ang presyur sa paglangoy sa dihang ang taga General Santos City nga si Thea Diane Canda nisulay og gukod niya sa final 100m. "I just tried to swim faster. I felt the pain after the race," angkon ni Villanueva.
Ang mga plata sa Davao City gikan sa paningkamot sab nila Requiza (boys 12-under 100m freestyle), Ivo Nikolai Enot (boys 13-15 50m backstroke) ug Lora Micah Amoguis (girls 13-15 50m backstroke) samtang ang bronse gidaug nila Villanueva (girls 13-15 800m freestyle), Matthieu Adrien Tao (boys 13-15 100m freestyle), Chuck Brylee Amparo (boys 12-under 50m backstroke), Wilart Dayaday (boys 13-15 50m backstroke), Maica Angela Garcia (girls 13-15 50m breastroke, Juan Alessandro Suarez (boys 12-under 100m butterfly) ug Ray Martin Yarra (boys 15-under 1500m freestyle).
Mga medalya sa mga mananaug gitunol nila Philippine Sports Commission (PSC) Commissioner Charles Raymond A. Maxey ug Sports Development Division of the City Mayor's Office (SDD-CMO) officer-in-charge Mikey Aportadera.
Ang lumba sa langoy mobalik karong Huwebes, Pebrero 7.