Human sa iyang dalaygong pagduwa sa All-Star Game, gibalhin na ni Jayson Tatum ang iyang atensyon ngadto sa tinguha sa Boston Celtics nga malangkat ang kampyunato sa 2022-23 National Basketball Association (NBA).
Si Tatum, kinsa maoy napiling All-Star MVP human niya naagak ang Team Giannis ngadto sa kadaugan batok sa Team LeBron, 184-175, pinaagi sa iyang 55 puntos, nagkanayon nga nakatabang ang All-Star break aron makondisyon ang ilang huna-huna sa pagtiwas sa ilang kampanya sa season.
"Now it's go time," matud ni Tatum. "We've got to have one common goal and that's to win a championship. This was a good break for us mentally and physically, but it's time to get back to work."
Sa pagpangulo ni Tatum, kinsa nag-average og 30.6 puntos, 8.6 rebounds ug 4.5 assists, ang Celtics maoy naggunit sa overall leadership dala ang 42-17 nga rekord.
Ang 24 anyos nga All-Star forward niagak sa Celtics ngadto sa NBA Finals sa miaging season apan napilde sila sa Golden State Warriors.
"Since I've been in the league, the team that has kind of clicked in this last stretch -- has kind of peaked and played their best of the season going into the playoffs -- usually is the team that wins it all, so this stretch is important," matud ni Tatum.
"You want to be as healthy as possible going into the playoffs. You want to be playing your best basketball, individually and as a group, so that's what we're trying to do." (AP)