ANG Philippine Academy of Sakya (PAS) sa Unit 8 mipildi sa defending champion Ateneo de Davao University (Addu)-bannered Unit 6, 4-2, sa pagtapos sa Davao City Athletic Association (Dcaa) Meet 2019 secondary girls futsal competition sa Davao City-UP Sports Complex.
Misalig ang Unit 8 sa goals nila Amira Inigo, Erikka Yee, Francesca Coros ug Erikka Yee.
Si Coach Merlo Albano nagkanayon nga wa sila magdahum nga modaug kontra sa kampeyon.
"Strong team ang Unit 6 po, daghan sila experienced players po pero salig lang ko sa akong mga players kay nakita nako ilang talents and sacrifices during sa training," niya sa SunStar Davao.
Dugang pa niya, "Happy po para sa mga bata kay na-achieve nila ang isa sa goals nila na nkadula ug Davraa ug proud sa ilaha kung unsa ilang na-achieve."
Sa eliminations, ang Unit 8 midemolis sa Units 3, 7 ug 4 una gipildi ang Unit 5.
Si Unit 6 coach Rachelle "Ching" delos Reyes, nagkanayon, "Preparado jud sila for this Dcaa. Most of their players sagad na sa age while ang amo team is mix and half of them naa pa next year."