NATULDUKAN ra gyud og bongga ang mga tsismis nga way kamatayan labot sa panagbuwag sa mag-uyab nga sila James Reid ug Nadine Lustre.
Kahinumduman nga unang pasabog sa 2020 mao ang balitang milayas na si Nadine sa balay asa siya nakig-ipon og puyo kang James.
Open ang duha nga nag-ipon sila human makumpirma ang ilang relasyon, aron suma pa mas malig-on pa ang ilang relasyon.
Apan Lunes, sa programang Tonight with Boy Abunda, nahugno ang nagtuo sa forever ug lunod-patay sa JaDine human gikumpirma sa duha ang ilang break-up pinaagi sa usa ka joint statement.
"It's true that we have split up but not for all the reason that are being spread on the tabloids and social media but because after quiet and mature conversations, we decided to focus on ourselves not only for our careers but more for our personal growth as we are still young and we want to achieve as much as we can," ang mensahe nga gibasa ni Tito Boy.
Apan luyo sa ilang panagbuwag, giklaro sa duha nga good friends gihapon sila.
Dugang sa duha nga padayon sab silang mag-uban sa mga proyekto, partikular sa musika.
Bag-uhay lang mipirma sa Careless Music si Nadine, ang record label ni James.
"We agreed that going separate ways was the best for both of us. We are in good terms and are still really good friends and will continue to work on each other especially when it comes to music."
Nagpasalamat sab ang duha sa tanang fans nga misuporta kanila.
"Thank you for all the JaDine fans for their undying support and we hope you continue to support us now and in the future. We shall forever be grateful to them for their love and understanding. Thank you."
Taliwala sa isyung buwag na sila, kanunay silang spotted together kauban ang ilang barkada.
Ning bag-o lang, atua sila sa Brazil alang sa usa ka magazine shoot.
Sa mga tsismis ang giingong panagbuwag sa duha tungod sa suma pa pakig-iring-iring ni James sa laing babaye.
May tsika pa nga nanelos si Jadine kang Nancy McDonie nga kapartner ni James sa usa ka proyekto.